ABŞ Prezidenti Donald Tramp çərşənbə günü bildirib ki, ona İranda ölkə üzrə etiraz aksiyalarının yatırılması zamanı baş verən qətllərin səngidiyi barədə məlumat verilib və hazırda kütləvi edamlarla bağlı planın olmadığına inanır.
Heftelik.az xəbər verir ki, bu barədə Reuters məlumat yayıb.
Jurnalistlər qətllərin dayandırılması barədə məlumatı kimdən aldığını soruşduqda, Tramp “qarşı tərəfdən çox vacib mənbələr” cavabını verib.
Prezident ABŞ-ın mümkün hərbi addımlarını istisna etməyərək bildirib ki, Vaşinqton prosesin necə inkişaf edəcəyini izləyəcək.
O, eyni zamanda ABŞ administrasiyasının İrandan “çox yaxşı bir bəyanat” aldığını da qeyd edib.