UEFA Çempionlar Liqasında pley-off mərhələsində “Qalatasaray” İtaliyanın “Yuventus” komandaısını qəbul edib.
Heftelik.az xəbər verir ki, İstanbuldakı “Rams Park” stadionunda keçirilən görüş “Qalatasaray”-ın “Yuventus” üzərində 5:2 hesablı qələbəsi ilə başa çatıb.
Oyunda hesabı meydan sahibləri açıb – 15-ci dəqiqədə Qabriel Sara fərqlənib. Bir dəqiqə sonra “Yuventus” Ten Kopmeynersin qolu ilə tarazlığı bərpa edib. 32-ci dəqiqədə niderlandlı futbolçu dublunu rəsmiləşdirib. Bu, qonaqların son qolu olub.
İkinci hissədə “Qalatasaray” futbolçuları dörd dəfə fərqləniblər. 49-cu və 75-ci dəqiqələrdə Noa Lanq, 60-cı dəqiqədə Davinson Sançes, 86-cı dəqiqədə isə Saşa Boe qol vurub.
67-ci dəqiqədə “Yuventus” oyunçusu Xuan Kabal ikinci sarı vərəqə alaraq meydanı tərk edib.
Cavab görüşü 26 fevralda, Bakı vaxtı ilə saat 00:00-da Turin şəhərindəki “Allianz Stadium”da keçiriləcək.