Dünya enerji bazarında neftin qiyməti kəskin şəkildə artmaqda davam edib.
Heftelik.az xəbər verir ki, Nyu-York Əmtəə Birjasında (NYMEX) WTI markalı xam neftin aprel ayı üzrə fyuçerslərinin qiyməti 27,26% artaraq 115,68 ABŞ dollarına yüksəlib.
Brent markalı xam neftin may ayı üzrə fyuçerslərinin qiyməti isə Bakı vaxtı ilə 08:20-də 28% artaraq 118,73 dollara kimi yüksəlsə də sonra nisbətən geriləyib və hazırda 116,35 ABŞ dolları/barel səviyyəsində ticarət olunur.
Qeyd edək ki, bu, dünya bazarında neftin qiymətinin 2020-ci ildən bəri ən böyük artımı dinamikasıdır. Qiymət artımı əsasən Yaxın Şərqdə artan hərbi gərginlik və enerji infrastrukturuna mümkün təhlükələrlə bağlı narahatlıqlarla əlaqələndirilir.
***
saat 06.57
“ICE London” qitələrarası birjasında “Brent” markalı xam neftin qiyməti 30 avqust 2022-ci ildən bəri ilk dəfə olaraq barel üçün 102 dolları keçib.
Heftelik.az xəbər verir ki, neftin qiyməti 9,46% artaraq 102,15 dollara çatıb.