Əməkdar artist Elza Seyidcahan yeni açıqlaması ilə diqqət çəkib.
Heftelik.az Bakupost.az-a istinadən xəbər verir ki, sənətçi “Öz aramızda” verilişində valideynlərə müraciət edərək oğulları üçün qız seçərkən ilk növbədə musiqi zövqünə diqqət yetirməyi məsləhət görüb.
Onun sözlərinə görə, tərəflər arasında musiqi zövqünün uyğun olmaması gələcəkdə problemlərə səbəb ola bilər:
“Əgər bir insan səhər tezdən durub meyxanaya qulaq asırsa, onun nə həyat tərzi ola bilər? Qızla oğlanın musiqi zövqü uyğun gəlmir, niyə onları evləndirirsiniz? Musiqi zövqləri uyğun deyilsə, mütləq boşanacaqlar. Oğlunuza qız alanda, əvvəlcə baxın , o sizin dinlədiyiniz musiqini dinləyirmi? Sonra qərar verin”.