Sudan özbaşına istifadə edənlər cərimələnəcək.
Vəkil Araz Nurməmmədov Heftelik.az-a bildirib ki, İnzibati Xətalar Məcəlləsinə əsasən, sudan özbaşına istifadə edilməsinə, yəni:
– sudan istifadə etmə limitlərinə əməl edilməməsinə;
– su ehtiyatlarından israfçılıqla istifadə edilməsinə;
– içməli məişət, texniki və tullantı sularının kənara (çöllərə, küçələrə, rabitə və enerji kommunikasiya şəbəkələrinə) təyinatsız axıdılmasına görə –
fiziki şəxslər yüz manatdan yüz əlli manatadək məbləğdə, vəzifəli şəxslər səkkiz yüz manatdan min manatadək məbləğdə, hüquqi şəxslər iki min manatdan üç min manatadək məbləğdə cərimə edilir.