“Qalatasaray” 2022/23 mövsümündə Türkiyə çempionu titulina sahib çıxıb.
Heftelik.az-ın Apasport.az-a istinadən verdiyi məlumata görə,  komanda sona iki tur qalmış qələbəsini rəsmiləşdirib.
“Ankaragücü”nin qonağı olan “sarı-qırmızılar” 4:1 hesabı ilə inamlı qələbə qazanıblar. Nəticədə “Qalatasaray” əsas rəqibi “Fənərbaxça” ilə aradakı 5 xallıq fərqini qoruyub. Növbəti turda məhz “Fənərbaxça” ilə qarşılaşacaq komanda son görüşdə isə texniki qələbə əldə edəcək. Məhz meydana çıxmadan qazanılacaq 3 xal onun əsas rəqibi ilə oyuna çempion kimi çıxmasına şərait yaradıb.

Okan Buruk futbolçu kimi çempion olduğu “Qalatasaray”la baş məşqçi kimi də bu uğura nail olub. O, öncə eyni nəticəyə “Başakşəhər”lə imza atıb.

“Fənərbaxça” öz meydanında “Antalyaspor”la qarşılaşıb və 2:0 hesabı ilə qalib gəlib.

Qeyd edək ki, “Qalatasaray” 23-cü dəfə Türkiyə liqasının qalibi olub.

36-cı tur
“Ankaragücü” – “Qalatasaray” – 1:4
“Fənərbaxça” – “Antalyaspor” – 2:0
“Alanyaspor” – “Kasımpaşa” – 1:3
“Girəsinspor” – “Tranzonspor” – 2:4
“Sivasspor” – “Konyaspor” – 1:0
“Karagümrük” – “Kayserispor” – 2:0
“İstanbulspor” – “Adana Dəmirspor” – 0:2