13 il əvvəl ailə quran və bir oğlu olan Cemal Hünal və Lale Canqal cütlüyü boşanır.
Heftelk.az-ın Bakupost-a istinadən verdiyi məlumata görə, aktyor Cemal Hünal 2011-ci ildə ailə qurduğu həmkarı Lale Canqalla boşanmaq qərarına gəlib.
Cütlük İnstaqram hesablarından birgə açıqlama verərək yazıblar:
“Bir müddətdir mətbuatda yer alan xəbərlə bağlı açıqlama verməyə ehtiyac duyduq. Düzdür, evimizi ayırdıq. Ancaq hələ ki, rəsmi müraciət etməmişik. Vəkilimizlə görüşürük. Yekun qərarı paylaşacağıq. O vaxta qədər sizdən xahiş edirik ki, ailəmizin keçdiyi bu həssas prosesə hörmətlə yanaşasınız və bizim tərəfimizdən olmayan heç bir açıqlamaya etibar etməyəsiniz”.