İranın cənub-şərqindəki Sistan və Bələcistan əyalətinin Rask və Çabahar şəhərlərində iki polis məntəqəsinə hücum edilib.
Heftelik.az xəbərə verir ki, bu barədə İRNA məlumat yayıb.
Hücum edənlər “Ceyş əl-Ədl” terror qruplaşmasının üzvləri olublar. Sistan və Bəlucistan vilayətinin Çabahar və Rask şəhərlərində törədilən terror aktlarında 5 terrorçu zərərsizləşdirilib, 5 təhlükəsizlik qüvvəsinin əməkdaşı isə həlak olub.
Terrorçularla qarşıdurmada Çabaharda bir əsgər, bir Bəsic təhlükəsizlik qüvvəsinin əməkdaşı, bir mühafizəçi və iki polis ölüb.
Ölənlər arasında Çabahar şəhərinin polis bölməsinin rəis müavini də var.
İndiyədək beş terrorçunun öldürüldüyü təsdiqlənib.
Hazırda Sərbaz, Rask və Çabahar şəhərlərində qarşıdurmalar davam edir və terrorçular təhlükəsizlik qüvvələrinin əməkdaşları tərəfindən tamamilə mühasirəyə alınıb.