“Ayrı-ayrı elm sahələri üzrə dövlət sifarişi ilə ali təhsil müəssisələrinin doktorantura (dissertantlıq istisna olmaqla) səviyyəsində hər bir təhsilalana düşən illik təhsil xərclərinin miqdarı”yeni redaksiyada təsdiqlənib.
Heftelik.az-ın xəbərinə görə, Nazirlər Kabineti bu barədə qərar verib.
Ayrı-ayrı elm sahələri üzrə dövlət sifarişi ilə ali təhsil müəssisələrinin doktorantura (dissertantlıq istisna olmaqla) səviyyəsində hər bir təhsilalana düşən illik təhsil xərclərinin miqdarı
| Elm sahələri | Hər bir təhsilalana düşən illik təhsil xərclərinin miqdarı (manatla) |
| 1 | 2 |
| Riyaziyyat | 4400 |
| Mexanika | 4400 |
| Astronomiya | 4400 |
| Fizika | 4400 |
| Kimya | 4400 |
| Biologiya elmləri | 4400 |
| Yer elmləri | 4400 |
| Aqrar elmlər | 4400 |
| Tibb elmləri | 8000 |
| Texnika elmləri | 4400 |
| Əczaçılıq elmləri | 7000 |
| Antropologiya | 4000 |
| İqtisad elmləri | 4000 |
| Coğrafiya | 4000 |
| Tarix | 4000 |
| Hüquq elmləri | 4000 |
| Filologiya elmləri | 4000 |
| Pedaqogika | 4000 |
| Siyasi elmlər | 4000 |
| Psixologiya | 4000 |
| Sənətşünaslıq | 4000 |
| Sosiologiya | 4000 |
| Memarlıq | 4400 |
| Fəlsəfə | 4000 |
| Milli təhlükəsizlik və hərbi elmlər | 4000 |
Qeyd. Ali təhsil müəssisəsi tərəfindən dövlət sifarişi ilə hər bir təhsilalana çəkilən faktiki illik xərc təsdiq edilmiş illik təhsil xərclərinin məbləğindən artıq olduğu halda, onun qalan hissəsi həmin ali təhsil müəssisəsi və ya onun tabe olduğu qurum tərəfindən ödənilir.
“Ali təhsil müəssisələrində yeni maliyyələşmə mexanizminin tətbiq edilməsi haqqında” qərara dəyişikliyə aydınlıq gətirilib. Nazilər Kabinetindən Heftelik.az-a verilən izahda bildirilib ki, ali təhsil müəssisələrində kadr hazırlığı dövlət büdcəsinin vəsaiti hesabına dövlət sifarişi ilə adambaşına maliyyələşdirmə prinsipi ilə ayrı-ayrı ixtisaslar üzrə təsdiq olunmuş illik təhsil xərcinin miqdarına uyğun olaraq hesablanmaqla həyata keçirilir.
“Ali təhsil müəssisələrində yeni maliyyələşmə mexanizminin tətbiq edilməsi haqqında” Azərbaycan Respublikası Nazirlər Kabinetinin 2010-cu il 25 iyun tarixli 120 nömrəli Qərarına əsasən ayrı-ayrı ixtisaslar üzrə dövlət sifarişi ilə kadr hazırlığı üzrə müvafiq təhsil səviyyələrində hər bir təhsilalana müəyyən edilmiş təhsil xərclərinin miqdarında ötən 5 il ərzində artım olmayıb.
Bunu nəzərə alaraq, ayrı-ayrı ixtisaslar üzrə dövlət sifarişi ilə kadr hazırlığı üzrə müvafiq təhsil səviyyələrində (bakalavriat, magistratura, doktorantura və tibb təhsili üzrə əsas təhsil və rezidentura səviyyələrində) hər bir təhsilalana müəyyən edilmiş təhsil xərclərinin miqdarında artımı nəzərdə tutan “Ali təhsil müəssisələrində yeni maliyyələşmə mexanizminin tətbiq edilməsi haqqında” Azərbaycan Respublikası Nazirlər Kabinetinin 2010-cu il 25 iyun tarixli 120 nömrəli Qərarında dəyişiklik edilməsi barədə” Azərbaycan Respublikası Nazirlər Kabinetinin 2024-cü il 6 sentyabr tarixli 405 nömrəli Qərarı hazırlanıb.