Dünyanın ən varlı insanlarından biri kimi tanınan Bruney Sultanı Hassanal Bolkiah, oğlu Şahzadə Abdul Maliklə evli olan gəlini Raabi’atul Adawiyyahın bütün kral titullarını əlindən alıb.Fərmanda bütün titulların geri alınmasına səbəb kimi Raabi’atulun kral ailəsinə yaraşmayan və uyğun olmayan davranışları göstərilib.
Dünyanın ən varlı insanlarından biri kimi tanınan Bruney Sultanı Hassanal Bolkiah, taxt-tac üçün dördüncü sırada olan oğlu Şahzadə Abdul Malikin 11 illik həyat yoldaşı Raabi’atulun bütün titullarını əlindən alıb.
Hassanal Bolkiah tərəfindən imzalanan fərmanda gəlini tərəfindən törədildiyi bildirilən, lakin mahiyyəti dəqiq açıqlanmayan uyğun olmayan davranışların kral ailəsinin nüfuzuna xələl gətirdiyi və Sultana qarşı hörmətsizlik ehtiva etdiyi qeyd olunub.
Bruney Sultanının oğlu Şahzadə Abdul Malik və gəlini Raabi’atul 2015-ci ildə aprelin 5-dən 16-dək davam edən mərasimlərlə evləniblər.
Fərmanla titullarını itirən keçmiş şahzadənin “uyğun olmayan və kral ailəsini ləkələyən” kimi xarakterizə edilən davranışının nədən ibarət olduğu açıqlanmayıb.
Cütlüyün dörd övladı var. Lakin analarının titullarından məhrum edilməsi bu dörd uşağa təsir etməyəcək.
Ötən ilin iyul ayında 80 yaşını tamamlayan Hassanal Bolkiah 1967-ci ildən Bruney Sultanıdır. O, bu xüsusiyyətinə görə dünyanın ən uzun müddət taxtda qalan hökmdarlarından biri kimi tanınır.
Dünyanın ən varlı insanlarından biri kimi tanınan Hassanal Bolkiahın ümumi sərvətinin 30 milyard dollardan çox olduğu bildirilir.