Astarada bir nəfərin dənizdə batması barədə FHN-nin Cənub Regional Mərkəzinə məlumat daxil olub.
Heftelik.az APA-ya istinadən xəbər verir ki, hadisə Xəzər dənizinin Astara şəhər ərazisində, nəzarət olunmayan hissədə baş verib.
Masallı rayonunun Kosagül kənd sakini olan 1990-cı il təvəllüdlü Elmar Bəybala oğlu Məmmədli yaxın qohumları ilə çimmək üçün dənizə gəlib.
Əraziyə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasediciləri cəlb olunub və axtarışlara başlanılıb.
Hazırda xilasedicilər 36 yaşlı Elmar Məmmədlinin axtarışlarını aparır.
Qeyd edək ki, Elmar Məmmədli ailəlidir və 5 uşaq atasıdır.
***
saat 10.55
Astara rayonunda ən yaxın sularda xilasetmə məntəqəsindən 1 km aralı dənizdə nəzarətsiz ərazidə 1 nəfər batıb.
Fövqəladə Hallar Nazirliyindən Heftelik.az-a verilən xəbərə görə, FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub.
Hazırda vətəndaş – 1990-cı il təvəllüdlü Məmmədov Elman Beybala oğlunun batdığı ehtimal edilən istiqamətlərdə axtarışlar həyata keçirilir.
Əlavə məlumat veriləcək.