Füzuli rayonunda ölümlə nəticələnən yol-nəqliyyat hadisəsi baş verib.
Heftelik.az Qafqazinfo-ya istinadən xəbər verir ki, qəza rayonun Molla Məhərrəmli kəndi ərazisində qeydə alınıb.
Rayonun Babı kənd sakini 1999-cu il təvəllüdlü Quliyev Sahil Xəlil oğlu idarə etdiyi “Mercedes” markalı avtomobillə hərəkətdə olarkən idarəetməni itirib. Nəticədə,avtomobil yol kənarındakı ağaclara çırpılıb.
Qəza zamanı S.Quliyev aldığı xəsarətlərdən hadisə yerində həyatını itirib.
Həyatını itirən sürücünün Minatəmizləmə Agentliyinin (ANAMA) əməkdaşı olduğu müəyyənləşib .Qəza zamanı avtomobili ağaca çırpılaraq həyatını itirən 1999-cu il təvəllüdlü Sahil Quliyev ANAMA-nın Füzuli rayon bölməsində tədqiqat qrupunun rəhbəri vəzifəsində çalışıb.