Azərbaycanda “T-Kredit” və “Fintrend” adlı Bank Olmayan Kredit Təşkilatlarının lisenziyası ləğv edilib.
Heftelik.az xəbər verir ki, bununla bağlı Azərbaycan Mərkəz Bankı məlumat yayıb.
Bildirilib ki, “Bank olmayan kredit təşkilatları haqqında” Azərbaycan Respublikası Qanununun (Qanun) 25-ci maddəsinə müvafiq olaraq, “T-Kredit” Bank olmayan kredit təşkilatı” MMC tərəfindən təqdim edilmiş ərizədən irəli gələrək, Azərbaycan Mərkəzi Bankının İdarə Heyətinin 29 sentyabr tarixli Qərarı ilə “T-Kredit” Bank Olmayan Kredit Təşkilatı” MMC-yə verilmiş 28.07.2026-cı il tarixli, BKT-51 nömrəli lisenziya ləğv edilib.
Həmçinin İdarə Heyətinin yuxarıda göstərilən Qərarı ilə Qanunun 25-ci maddəsinə əsasən, prudensial tələblərə riayət etməməklə Mərkəzi Banka təhrif olunmuş hesabatların təqdim olunmasına görə “Fintrend” Bank Olmayan Kredit Təşkilatı MMC-yə verilmiş 05.06.2014-cü il tarixli, BKT-24 nömrəli lisenziya ləğv edilib.
Qanuna əsasən, BOKT lisenziyasının ləğv edilməsi haqqında qərarın qüvvəyə mindiyi gündən fəaliyyətini dayandırır və Azərbaycanın Mülki Məcəlləsində müəyyən olunmuş qaydada ləğv edilir.
Qeyd edək ki, “T-Kredit” MMC “Bank BTB” ASC-nin təşkilati-hüquqi formasını dəyişərək BOKT-a çevrilməsi nəticəsində yaranıb.
“Bank BTB” hazırda ağır cinayətlərdə ittiham olunan Prezident Adminstrasiyasının sabiq rəhbəri Ramiz Mehdiyevin ailəsinə məxsusdur.