Balıq çeşidlərinin çox olduğu bir dövrdə həm dadlı, həm də sağlamlıq üçün maksimum fayda verən növləri seçmək vacibdir.
Balıq digər ənənəvi yeməklərlə yanaşı, süfrələrdə xüsusi yer tutur və geniş istehlak olunur.
Heftelik.az Lent.zz-a istinadən xəbər verir ki, dietoloqlar sağlamlığın qorunması üçün zəruri olan qiymətli qida maddələri ilə zəngin olduğu üçün bu balığı qida rasionuna daxil etməyi tövsiyə edirlər.
Skumbriya balığının faydaları
Skumbriya hemoqlobinin normal səviyyədə saxlanmasında mühüm rol oynayan və orqanizmin enerjili qalmasına kömək edən dəmirin mənbələrindən biridir.
Bundan əlavə, onun istehlakı ürək-damar xəstəlikləri və ateroskleroz riskinin azalmasına kömək edə bilər.
Orqanizmin əlavə dəmirə ehtiyacı varsa, skumbriya faydalı seçimlərdən biri ola bilər.
Bu balıq qanda xolesterinin səviyyəsinin tənzimlənməsinə kömək edən faydalı yağlarla zəngindir. Həmin yağlar damarlarda xolesterinin toplanması riskini azaltmağa yardım edə bilər.
Skumbriyanın tərkibində orqanizmdə iltihabi proseslərin azalmasına kömək edən əvəzolunmaz yağ turşuları da mövcuddur.
Yağlı balıq olmasına baxmayaraq, məhz bu faydalı yağlar sağlamlığın qorunmasında mühüm rol oynayır.
Skumbriyanın digər üstünlüyü yüksək keyfiyyətli zülalla zəngin olmasıdır.
Zülal əzələlərin qorunması və möhkəmləndirilməsi, həmçinin hüceyrələrin bərpası üçün vacibdir.
Əvəzolunmaz amin turşularının zəngin tərkibi sayəsində bu balıq xüsusilə fəal həyat tərzi keçirən və fiziki formasına diqqət yetirən insanlar üçün dəyərlidir.
Skumbriyanın tərkibində yod, kalsium və selen kimi orqanizm üçün vacib minerallar da var.
Yod qalxanabənzər vəzin normal fəaliyyətini təmin etməyə kömək edir, kalsium sümüklərin möhkəmliyinin qorunmasında iştirak edir, selen isə antioksidant xüsusiyyətləri sayəsində hüceyrələri zədələnmədən qorumağa yardım edir.
Belə zəngin tərkibinə görə skumbriya yüksək qida dəyərinə malik məhsullardan biri hesab olunur.