İnsanın anatomik bütövlüyünə müxtəlif dərəcəli xəsarətlər yetirən və ya özünü doğrultmayan yüksək təhlükə mənbəyi olan xüsusi vasitələrin polisin sərəncamına verilməsinə yol verilmir. Heftelik.az-ın məlumatına görə, bu, “Polis haqqında” qanunda əksini tapıb. Qanun xüsusi vasitələrin seçilməsi və polis əməkdaşlarının sərəncamına verilməsi ilə bağlı məhdudiyyət müəyyən edir. Bu məhdudiyyət insan sağlamlığına ağır zərər vurmaq riski daşıyan vasitələrin istifadəsinin qarşısının alınmasına xidmət edir. Polis əməkdaşları yalnız qanunla müəyyən edilmiş qaydada tətbiq edilə bilən vasitələrdən istifadə etməlidirlər. Xüsusi vasitələrin qanunsuz tətbiqi polis əməkdaşının məsuliyyətinə səbəb ola bilər.