2022-ci ildə Dövlət Neft Fondunun idarə edilməsi ilə bağlı xərclər 27 895,6 min manat səviyyəsində icra edilib ki, bu da təsdiq edilmiş smeta xərclərinin (33 988,6 min manat) 82,1 faizini təşkil edib.
Heftelik.az-ın məlumatına görə, bu, Hesablama Palatasının “Azərbaycan Respublikasının Dövlət Neft Fondunun vəsaitlərinin formalaşdırılmasının və əsas istiqamətlər üzrə istifadəsinin auditi” üzrə aparılmış kənar dövlət maliyyə nəzarəti tədbirinin nəticələrinə dair auditor hesabatına əksini tapıb.
Hesabat ilində ARDNF-nin smeta xərcləri 2021-ci ilin icrası ilə (22 475,0 min manat) müqayisədə 5 420,7 min manat və yaxud 24,1 faiz çox olmuşdur.
ARDNF-nin idarə edilməsi ilə bağlı xərclərin təyinatı üzrə istiqamətləri aşağıdakı kimi olub:
Cədvəl 26. ARDNF-nin idarə edilməsi ilə bağlı xərclərin təyinatı üzrə istiqamətləri, min manatla
| № | Xərclər | Kod | 2022 | ||
| Təsdiq | İcra | ||||
| 1 | Əməyin ödənişi | 210000 | 15 348.4 | 10 724.5 | 69.9% |
| 2 | Malların (işlərin və xidmətlərin) satın alınması | 220000 | 15 241.7 | 13 262.5 | 87.0% |
| 3 | Sosial ödənişlər | 270000 | 60.7 | 74.7 | 123.0% |
| 4 | Qeyri-maliyyə aktivlərinin satın alınması | 310000 | 3 337.6 | 3 833.9 | 114.9% |
| Xərclərin cəmi: | 33 988.6 | 27 895.6 | 82,1% | ||