ABŞ, Kanada və Meksikanın birgə ev sahibliyi etdiyi futbol üzrə dünya çempionatının 1/16 final mərhələsində növbəti oyunlar keçiriləcək.
Heftelik.az Report-a istinadən xəbər verir ki, Norveç millisi Fildişi Sahili yığması ilə üz-üzə gələcək.
Cütün qalibi 1/8 finalda Braziliyanın rəqibi olacaq.
Bu qarşılaşmanın ardından son dünya çempionatının finalçısı Fransa İsveçin müqavimətini qırmağa çalışacaq. Güclü tərəf növbəti raundda Paraqvay ilə qarşılaşacaq.
Meydan sahiblərindən biri – Meksika isə Ekvadorla münasibətlərə aydınlıq gətirəcək. Bu cütün qalibi 1/8 finalda İngiltərə – Konqo DR duelinin güclüsü ilə görüşəcək.
DÇ-2026
1/16 final
30 iyun
21:00. Fildişi Sahili – Norveç
Baş hakim: Xesus Valensuela (Venesuela).
Dallas stadionu
1 iyul
01:00. Fransa – İsveç
Baş hakim: Danni Makkeli (Niderland).
Nyu-York/Nyu-Cersi stadionu
05:00. Meksika – Ekvador
Baş hakim: Slavko Vinçiç (Sloveniya).
Mexiko stadionu
Xatırladaq ki, ABŞ, Meksika və Kanadada təşkil olunan DÇ-2026 iyulun 19-da başa çatacaq