Torpaq vergisinin hesablanması və ödənilməsi qaydaları qanunda əks olunub.
Heftelik.az-ın məlumatına görə, bu, “Bələdiyyə torpaqlarının idarə edilməsi haqqında” qanunda əksini tapıb.
Mülkiyyətində və istifadəsində torpaq sahəsi olan şəxslər torpaq vergisi ödəyirlər.
Vergi təsərrüfat fəaliyyətinin nəticələrindən asılı olmayaraq sabit qaydada hesablanır.
Torpaq sahəsi əldə edən şəxslər bir ay ərzində bələdiyyədə uçota durmalıdırlar.
Bələdiyyələr vergi dərəcələrini qanunla müəyyən edilmiş hədlər daxilində müəyyən edirlər.