Marketmeyker qiymətli kağızlar bazarında mütəmadi olaraq öz hesabına alqı-satqı əməliyyatları aparan hüquqi şəxsdir. Heftelik.az-ın məlumatına görə, bu, “Qiymətli kağızlar bazarı haqqında” qanunda əksini tapıb. Marketmeyker qiymətli kağızları və ya törəmə maliyyə alətlərini özü müəyyənləşdirdiyi qiymətlərlə alıb-sata bilər. Bu fəaliyyət fond birjasının müəyyən etdiyi qiymət dəhlizi çərçivəsində həyata keçirilə bilər. Qanunda nəzərdə tutulan hallarda qiymət dəhlizi müvafiq icra hakimiyyəti orqanının müəyyən etdiyi orqanla razılaşdırılır. Marketmeyker anlayışı qiymətli kağızlar bazarında mütəmadi alqı-satqı fəaliyyəti həyata keçirən hüquqi şəxsin statusunu müəyyən edir.