Kreditorun iflas haqqında iddia ərizəsinə qanunvericilikdə nəzərdə tutulan sənədlərlə yanaşı, əlavə təsdiqedici sənədlər də qoşulmalıdır. Heftelik.az-ın məlumatına görə, bu, “Müflisləşmə və iflas haqqında” qanunda əksini tapıb. Həmin sənədlərdən biri məhkəmə rüsumunun ödənilməsini təsdiq edən sənəddir. Bundan başqa, iddia ərizəsinin və ona əlavə edilmiş bütün sənədlərin surətlərinin borcluya təqdim edildiyini təsdiqləyən sənəd də məhkəməyə verilməlidir. Borclu dövlət müəssisəsi olduqda iddia ərizəsinin surətinin müvafiq icra hakimiyyəti orqanına göndərildiyini təsdiq edən sənəd də əlavə olunmalıdır. Bu tələblərin yerinə yetirilməsi kreditorun iflas iddiasının sənədləşdirilməsi qaydasının bir hissəsidir.

