Akkumulyator otaqlarında çəkici-sovurucu ventilyasiyası doldurma başlamazdan əvvəl qoşulur və doldurma qurtardıqdan azı 1,5 saat sonra açılır.
Heftelik.az-ın məlumatına görə, bu, “Elektrik qurğularının istismarında təhlükəsizlik texnikası Qaydaları”nda əksini tapıb.
Akkumulyator otağında elektrolit ilə işlərin görülməsi üçün aşağıdakılar olmalıdır:
– elektrolit düzəltmək və onu qaba tökmək üçün tutumu 1,5-2,0 litr olan lüləkli şüşə, yaxud çini (polietilen) qulplu qab və ya qrafin;
– neytrallaşdırmaq məqsədilə turşu batareyaları üçün 5%-li soda məhlulu və qələvi batareyalar üçün 10%-li bor turşusu, yaxud 9%-li sirkə essensiyası;
– xüsusi geyim, əlləri, ayaqları, üzü və gözləri mühafizə edən fərdi mühafizə vasitələri;
– əlləri yumaq üçün su;
– dəsmal;
– turşulu batareyalar üçün içərisində kəpək olan yeşik.