UEFA Konfrans Liqasında 1/4 final mərhələsinin cavab oyunlarından sonra yarımfinala vəsiqə qazanan komandalar bəlli olub.
Heftelik.az xəbər verir ki, Niderlandın AZ klubu doğma meydanda Arda Turanın baş məşqçisi olduğu “Şaxtyor” (Donetsk) ilə 2:2 hesablı heç-heçə edib.
Lakin ilk oyunun nəticəsinə görə (ümumi hesab 2:5) Ukrayna təmsilçisi yarımfinala yüksəlib.
Yunanıstanın AEK klubu İspaniyanın “Rayo Valyekano” komandasını 3:1 hesabı ilə məğlub etsə də, ilk oyundakı məğlubiyyətə görə (ümumi hesab 3:4) mübarizəni dayandırıb və yarımfinala İspaniya təmsilçisi yüksəlib.
İtaliyanın “Fiorentina” klubu isə İngiltərənin “Kristal Pelas” komandasına 2:1 hesabı ilə qalib gəlsə də, ümumi hesabda 2:4 geridə qaldığı üçün turnirlə vidalaşıb. Yarımfinala İngiltərə təmsilçisi yüksəlib.
Beləliklə, UEFA Konfrans Liqasında yarımfinalda “Şaxtyor”, “Strasburq”, “Rayo Valyekano” və “Kristal Pelas” komandaları mübarizə aparacaq.