Qiymətli metallar və qiymətli daşlarla bağlı birja əməliyyatlarının çərçivəsi müəyyən olunub. Heftelik.az-ın məlumatına görə, bu, “Qiymətli metallar və qiymətli daşlar haqqında” qanunda əksini tapıb. Birjalarda affinaj edilmiş külçələr, emal olunmamış qiymətli daşlar və yarımfabrikatlarla bağlı əqdlər bağlana bilər. Tərkibində qiymətli metal olan sikkələrin dövriyyəsinə də icazə verilir. Zərgərlik və digər məişət məmulatları isə bu əməliyyatların predmetinə daxil edilmir. Birja əməliyyatları qanunvericiliyə uyğun fəaliyyət göstərən platformalarda həyata keçirilir. Bu qaydalar qiymətli metallar bazarının hüquqi əsaslarını formalaşdırır.