Birbaşa debitləşmə alətindən istifadə zamanı ödəyici ödəniş sərəncamını müəyyən müddətədək geri götürə bilər. Heftelik.az-ın məlumatına görə, bu, “Ödəniş xidmətləri və ödəniş sistemləri haqqında” qanunda əksini tapıb. Sərəncam pul vəsaitinin ödəniş hesabından silinməsi üçün müəyyən edilən gündən əvvəlki iş gününün sonunadək geri götürülə bilər. Bu müddət keçdikdən sonra sərəncamın geri götürülməsi yalnız qanunda nəzərdə tutulan şərtlərlə mümkündür. Həmçinin tərəflərin müqaviləsində bununla bağlı xüsusi müddəalar müəyyən edilə bilər. Beləliklə, birbaşa debitləşmə əməliyyatlarında geri götürmə üçün konkret son tarix müəyyən olunur.