Naxçıvan Muxtar Respublikasının qanunu ilə Naxçıvan Muxtar Respublikasında Vəkillər Kollegiyası yaradıla bilər. Heftelik.az-ın məlumatına görə, bu, “Vəkillər və vəkillik fəaliyyəti haqqında” qanunda əksini tapıb. Qanuna əsasən, Naxçıvan Muxtar Respublikasının Vəkillər Kollegiyası Azərbaycan Respublikası Vəkillər Kollegiyasının tərkibinə daxildir. Bu müddəa Naxçıvan Muxtar Respublikasında vəkillik fəaliyyətinin təşkilati əsaslarını müəyyən edir. Regional kollegiyanın yaradılması Naxçıvan Muxtar Respublikasının qanunvericiliyi əsasında həyata keçirilə bilər. Bununla yanaşı, onun Azərbaycan Respublikası Vəkillər Kollegiyasının tərkibində olması təmin edilir.