Özünüməşğulluğa cəlb olunmuş şəxslərin fəaliyyətinə müqavilə müddətində monitorinq aparan işçilərə nəqliyyat xərcləri üçün kompensasiya ödənilir. Heftelik.az-ın məlumatına görə, bu, “Məşğulluq haqqında” qanunda əksini tapıb. Kompensasiya elektron monitorinq istisna olmaqla, monitorinq aparan işçilərə şamil edilir. Ödəniş “İşsizlikdən sığorta haqqında” qanunun müvafiq maddəsində nəzərdə tutulmuş vəsait hesabına həyata keçirilir. Kompensasiyanın məbləği müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilir. Bu mexanizm özünüməşğulluq fəaliyyətinin yerində monitorinqi ilə bağlı nəqliyyat xərclərinin qarşılanmasına xidmət edir.