Həqiqi hərbi xidmətə çağırılan və müqavilə əsasında xidmətə daxil olan şəxslərin tibbi müayinədən keçmək və nəticələri barədə məlumat almaq hüququ var. Heftelik.az-ın məlumatına görə, bu, “Hərbi qulluqçuların statusu haqqında” qanunda əksini tapıb. Həmin şəxslərə hərbi xidmətə yararlılıqları barədə məlumat verilməlidir. Onlar çağırışın təxirə salınması və ya çağırışdan azad olunması üçün tibbi göstərişlər və əks-göstərişlər haqqında da məlumat ala bilərlər. Hərbi-həkim komissiyasının rəyi ilə razılaşmayan hərbi qulluqçular qanunvericilikdə müəyyən edilmiş qaydada məhkəməyə müraciət edə bilərlər. Bu hüquqlar tibbi qiymətləndirmənin nəticələrinin aydınlaşdırılmasına və mübahisəli qərarların hüquqi qaydada yoxlanılmasına imkan yaradır.