Azərbaycan Respublikasının vətəndaşlığına xitam verildikdə vəkilin fəaliyyətinə xitam verilə bilər. Heftelik.az-ın məlumatına görə, bu, “Vəkillər və vəkillik fəaliyyəti haqqında” qanunda əksini tapıb. Qanun vəkillik fəaliyyəti üçün müəyyən edilmiş status tələblərinə əməl olunmasını nəzərdə tutur. Vətəndaşlığın xitamı vəkilin fəaliyyətinə xitam verilməsi üçün ayrıca hüquqi əsas kimi müəyyən edilib. Bu halda müvafiq qərar Vəkillər Kollegiyasının Rəyasət Heyəti tərəfindən qəbul edilir. Həmin qərardan qanunda nəzərdə tutulan müddətdə məhkəməyə şikayət vermək mümkündür.