Kütləvi təklif edilən investisiya qiymətli kağızlarının alınması zamanı bir alıcıya digər alıcılarla müqayisədə üstünlük verilməsinə yol verilmir. Heftelik.az-ın məlumatına görə, bu, “Qiymətli kağızlar bazarı haqqında” qanunda əksini tapıb. Bu qaydanın istisnası əlavə buraxılan səhmlərin alınmasında mövcud səhmdarların üstünlük hüququdur. Səhmdarlar əlavə səhmləri səhmdar cəmiyyətinin nizamnamə kapitalındakı paylarına mütənasib şəkildə almaq hüququna malikdirlər. Bununla belə, səhmdarların ümumi yığıncağının qərarı ilə həmin hüquq məhdudlaşdırıla bilər. Qanun bu mexanizmlə səhmdarların hüquqlarının qorunmasını və qiymətli kağızların yerləşdirilməsi zamanı bərabər yanaşmanı nəzərdə tutur.