Yerli büdcə layihəsinin hazırlanması və bələdiyyə iclasına təqdim edilməsi üçün məsuliyyət bələdiyyə sədrinin üzərinə düşür. Heftelik.az-ın məlumatına görə, bu, “Büdcə sistemi haqqında” qanunda əksini tapıb. Bələdiyyə sədri bu işə bələdiyyənin daimi və digər komissiyalarını, bələdiyyə qulluqçularını və mütəxəssisləri cəlb edə bilər. Büdcə layihəsinin tərtibi növbəti maliyyə ili üçün maliyyə planlaşdırılmasının əsas mərhələlərindən biridir. Bu prosesdə yerli ərazinin sosial-iqtisadi vəziyyəti və nəzərdə tutulan proqramlar nəzərə alınır.