Qanun investisiya qiymətli kağızlarının müəyyən şərtlərlə təklif edildiyi hallarda emissiya prospektinin əvəzinə informasiya memorandumu tərtib edilməsini nəzərdə tutur. Heftelik.az-ın məlumatına görə, bu, “Qiymətli kağızlar bazarı haqqında” qanunda əksini tapıb. Bu qayda qiymətli kağızlar hüquqların qoşulduğu və ya ayrıldığı hüquqi şəxslərin səhmdarlarına və payçılarına təklif edildikdə tətbiq oluna bilər. Buraxılışın məbləği Mərkəzi Bankın müəyyən etdiyi həddən aşağı olduqda da informasiya memorandumu tərtib edilir. Eyni təqvim ili ərzində emitentin buraxdığı qiymətli kağızların məcmu nominal dəyəri müəyyən edilmiş həddən az olduqda da bu qayda tətbiq oluna bilər. Peşəkar investorlara ünvanlanan təkliflər də informasiya memorandumu hazırlanmasını nəzərdə tutan hallara daxildir.