Növbəti büdcə ili üçün yerli büdcə haqqında qərar layihəsi müvafiq sənədlərlə birlikdə oktyabrın 15-dən gec olmayaraq bələdiyyə iclasının müzakirəsinə və təsdiqinə təqdim edilməlidir. Heftelik.az-ın məlumatına görə, bu, “Büdcə sistemi haqqında” qanunda əksini tapıb. Layihə bələdiyyə iclasına təqdim edildikdən sonra 10 gün ərzində yerli əhalinin tanış olması üçün dərc edilməlidir. Növbəti il üzrə yerli büdcə bələdiyyənin qərarı ilə dekabrın 25-dən gec olmayaraq təsdiq edilir. Bu müddətlər büdcənin müzakirəsi və təsdiqi prosesinin müəyyən edilmiş qaydada aparılmasını təmin edir.