Dövlət qeydiyyatına alınmış, lakin kütləvi təklif edilməmiş investisiya qiymətli kağızlarının tənzimlənən bazarda ticarətə buraxılması zamanı emissiya prospektinin və ya informasiya memorandumunun təsdiqi tələb olunur. Heftelik.az-ın məlumatına görə, bu, “Qiymətli kağızlar bazarı haqqında” qanunda əksini tapıb. Təsdiq prosesi qanunun 6-cı maddəsinin tələblərinə uyğun həyata keçirilir. Bunun üçün Mərkəzi Banka müvafiq ərizə təqdim edilməlidir. Ərizəyə investisiya qiymətli kağızlarının emissiya prospekti və ya informasiya memorandumu əlavə olunmalıdır. Sənədlərin təqdim edilməsi bazara çıxış zamanı məlumatların açıqlanmasına dair tələblərin yerinə yetirilməsinə xidmət edir.